1.
ජලය පානය කරන්න.
පිපාසයක්,
එහෙම නැත්නම් තිබහක් හැදුනාම බොහෝ දෙනා පුරුදුව සිටින්නේ විවිධ පැණිරස බීම වර්ග
මගින් එය සංසිදුවා ගන්නයි. ඒත් ඔබ දන්නවද,
ඇගට ගුණයි කටට රහයි කියලා ගන්න බොහෝ බීම වර්ග වල ශරීරයට අවැසි ප්‍රමාණයට වඩා කැලරි
අඩංගු වෙනවා. ඇතැම් ශක්තිජනක පානයන්ගේද අතුරු ප්‍රථිපල ඒ වදියම තමයි. ඒ වගේම තවත්
විශේෂම දෙයක් තමයි ශරීරයේ නිසි බර පවත්වා ගනීමට වූවද එය ඉමහත් බාධාවක්. ඒ නිසා
තිබහක් හැදුනාම පිරිසිදු ජලය භාවිතා කරන්න. ඒ මගින් තිබහට වගේම සිරුරටත් හොද
පිරිපුන් බවක් උදාවේවී.
2.
කොපමණ ජලය ප්‍රමාණවත්ද?
ඔබගේ පිපාසය ඔබටම යහපතක් කරගන්න. ඔබ
දන්නවාද? ජලය ශරීරයට ඉතාමත් වැදගත් වන පෝෂකයක්. අප බොහෝ දෙනා අවශ්‍ය ජලය අප ගන්නා
ආහාර වලින් වගේම බීම වර්ග වලින් ලබා ගන්නට පෙළබී සිටිනවා. නිරෝගී සිරුරකට අවශ්‍ය
ජල ප්‍රමාණය තුලනය කිරීමේ හැකියාවක් පවතිනවා. නමුත් ඔබ බොහෝසෙයින් ක්‍රියාකාරීව
වැඩ කරනවනම්, අධික උෂ්ණත්ව සහිත ප්‍රෙද්ශයන්හි වාසය කරනවනම්, ඇතිතරම් ජලය පානය
කිරීම ඔබට වඩාත් යෝග්‍ය වේ.
3.
කැලරි කළමණාකරණය
දිනපතා ආහාරවේල් අතර කාලය තුලදී ජලය පානය
කරන්න. කුඩා දරැවන් මෙන්ම වැඩිහිටියන්ද දිනකට කැලරි 400 ක් පමණ විවිධ පාන වර්ග
මගින් ලබා ගන්නවා. ඒ නිසා අනවශ්‍යය ලෙස කැලරි නිපදවීම වලක්වා ගන්නට, පාලනය කරන්නට
ජලය පානය කරන්න.
4.
යන එන තැන ලඟ
නිවසේදී වුනත්, කාර්ය්‍යාලයේදී වූවත් තමන්ටම
කියා වතුර බෝතලයක් ලඟ තබා ගැනීම තුලින් නිතර ජලය බීමේ පුරුද්ද ඇති කර ගත හැක. නමුත් මෙහිදී විශේෂයෙන් තමා භාවිතා කරන බෝතලයේ
ප්‍රමිතිය පිළිබඳයවද සැලකිලිමත් වීම වඩා වැදගත්ය.
5.
නිවෙස් පසුබිම
ජලය, ඒ වගේම මේදය අඩු හෝ මේදය රහිත කිරි,
100%ක් පළතුරු වලින් සමන්විත යුෂ වර්ග නිවසේදී පහසුවෙන් තබාගතහැකි වන්නා සේම, මිල
අධික රසායනික බීම වර්ග ශීතකරණය තුළ තබා ගැනීමට වඩා සම්පුර්ණයෙන්ම පිරිසිදු එළවළු
හෝ පළතුරු වලින් සමන්විත විවිධ බීම වර්ග දරුවන්ට පහසුවෙන් සමීප කිරීමට දෙමාපියන්
වශයෙන් ඔබ වඩාත් සැලකිලිමත් විය යුතුය. ශීතකරණයේ තබා ගත හැකි විවිධ පළතුරු යුෂ වර්ග ඒ
මගින් හෝ ඔවුන්ට සමීප කිරීම අන්
විකල්පයන්ට වඩා වටිනා බව නම්
නොරහසකි.
6.
අමතක කරන්න එපා
ඔබ කිරි වර්ග හෝ වෙනත් ආදේශක වර්ග
තෝරාගැනීමේදී මේදය අඩු හෝ මෙදය රහිත වර්ගම තෝරාගන්නට නිතරම පෙලබීම වඩා සෞඛ්‍යය ආරක්ෂිතය.
විවිධ කිරි වර්ග වලින්.කැල්සියම්, විටමින් D , පොටෑසියම් වැනි ප්රධාන
පෝෂ්ය පදාර්ථ සපයයි, නමුත් කැලරි
සංඛ්යාව ඉතා වෙනස් වේ.
දෛනික කිරි අවශ්‍යයතාව පිළිබඳව සළකා
බැලීමේදී, වයසින් වැඩි දරුවන්, තරුණයන්, එසේම වැඩිහිටියන් සඳහා කිරි කෝප්ප 3ක් පමන
දිනකට අවැසි වේ. වයස අවු. 4 – 8 අතර දරුවකුට දිනකට කෝප්ප 2.5ක්ද, වයස අවු. 2 – 4 අතර දරුවකුට දිනකට කෝප්ප 2 ක්ද
අවශ්‍යය වේ.
7.
කැමත්තටත් ඉඩදෙන්න.
ජලයම පමණක් නෙමෙයි ඔබේ ආශාවටත් ඉඩදෙන්න.
කිසිම වරදක් නෑ තමයි ඒත් ටිකක් ඉන්න කඩෙන් ගන්න බීම වර්ගයේ තියන පොඩිම එක ගන්න.
එක්කො වීදුරුවක් බොන්න. හැමදාම කරේ ගොඩක් තියෙන බෝතලේ අරන් බීපු එකනේ. මේ ලිපිය
කියවපු එකෙන් පුංචි වැඩක් හරි ගමු. එහෙනම් ඔට්ටුයි හොදේ... මින් පස්සේ බීම
තෝරගන්නේ රස බලන්න, එහෙම නැතුව බඩ පිරෙන්න නම් නෙමෙයි. ඕකේ?
8.
විමසිලිමත් වන්න
බීම වර්ග තෝරා ගැනීමේදී තිබෙන පෝෂණ කරුණු
ලේබලය භාවිතා කරන්න. සමස්ත සීනි, මේද, කැලරි හා ඔබව වඩා හොඳ තෝරාගැනීම් බවට පත්
කිරීමට උපකාරී වන තොරතුරු මෙම ගොනුවේ අඩංගුය.
විවිධ ආහරයන්හි අඩංගු කැලරි ප්‍රමාණය අන්තර්ජාලය
ඔස්සේ ඔබට පහසුවෙන් අධ්‍යනය කළ හැක. හැකි සෑම විටම බුද්ධිමත් ලෙස ඔබගේ පාන වර්ග
මෙන්ම ආහාර තොරාගන්න. හැමදාම බෙහෙත් බොනව වෙනුවට අපේ රටේ ගහක කොළක මලක රස විදින්නට
පුරුදුවී ව්‍යාජ භාවයෙන් මිදී අව්‍යාජ මිනිසුන් වන්නට උත්සහ කරමු.
ලිපියම කියෙව්වනම් හොද නරක පහලින් කොටලා
යන්න ඒක අපිට හුඟක් ලොකු පිටිවහලක්. ජය...!
http://www.calculator.net/calorie-calculator.html
Posts
